【自由風自由Phone】政府研究重搭電影場景成打卡點
2024-05-23

近期電影《九龍城寨之圍城》掀起熱潮，政府日前表示正與電影公司研究，將部分搭建場景重置，讓公眾和旅客「打卡」。香港電影工作者總會發言人田啟文在《自由風自由Phone》中雖然對此表示歡迎，但認為佈景本身是組裝型搭景，不是搭建整個影城去拍，要還原是沒可能的事，「既然要做就唔好拖泥帶水，剩係做間房不如唔好整」，「既然要做要番咁上下規模至吸引到人！城寨最吸引係外貌，冇外貌我影乜鬼，影內景咩！」他認為時間上亦趕不上熱潮。

田啟文歡迎今次的想法，指是重視本土文化，但亦希望有延續性，香港電影在推廣文化作出了不少貢獻，也有無數足迹，例如《變形金剛》拍過政府總部，《蝙蝠俠》拍過中環中心，「呢D串埋串埋無處不在，都有電影足迹，但係就碎片化冇人去做。」他說旅發局可以製作小冊子，介紹有那些電影在那些地方取景，例如《金都》可以介紹金都廣場，「好過你而家只係講一套戲。」

田啟文慨歎業界很多建議不受重視，「我地成日都同政府講，你留唔到個李小龍故居，都幫我整個李小龍博物館得唔得呀！幾多人想嚟打卡，有好多嘢業界成日都要做多D，奈何要配合，要有地方，要有財力，要有政策，要有長D嘅延續性！」「唔係業界唔去做唔去諗，但係諗咗得唔到好結果！」



香港電台第一台FM92.6 - 94.4

星期一至五 17:00-20:00

主持：陸宇光、陳燕萍、梁家永、李家文、李文、楊立門、戴希立、林緻茵、何鉅業、潘永祥、林雲峯、李立峯、麥嘉晉、何建宗、蘇偉文

監製：陳燕萍

專題分類：新聞熱話

最新專題