【自由風自由Phone】政府建議重啟新界村屋僭建物申報計劃
2024-12-20

政府建議修訂《建築物條例》，其中一個範疇是理順處理僭建物政策，具體包括重啟曾在2012年推行的新界村屋僭建物申報計劃，讓當年沒有申報的業主再作申報，該些僭建物必須是在2011年6月28日前已搭建。

 

發展局常任秘書長(規劃及地政) 何珮玲在接受《自由風自由Phone》訪問時解釋，重啟是因為收到市民反映當年的申報期短，共得八個月。她說，估計現時合資格申報的村屋僭建物有 4 萬多個，而在2012年已申報的僭建物大概有2 萬多個。她強調，申報後仍然視那些為僭建物，只是將執法的優次減低。「我哋只喺暫緩，新界村屋僭建問題嚴重，我地想將資源擺返喺嚴重的僭建物」

 

近日有聲音指對新界那些不影響安全的僭建物，可以用罰款取代。何珮玲強調，局方不希望給予下一代錯誤訊息，以為金錢可以處理僭建問題。另外亦有人提出市區的嚴重僭建物，是否同樣可以用申報計劃處理。何珮玲指，局方思考後不建議做，「正正是因為嚴重僭建物，唔係單憑事後搵專業人士就可以完全評估到佢係咪危險。香港社會都好重視平等同埋一視同仁，如果我地容許稍為有資源人士去違法進行僭建，可以用錢合法化僭建行為，另一方面對資源冇咁豐裕的人士，我地就去執法，去懲罰佢，甚至將佢告上法庭，我相信都唔係社會認同的價值觀。」「如果用錢去解決問題，其實係鼓勵緊人去犯法，亦削弱咗立法原意…..同我地今次想做檢討的原則完全係背道而馳。」

 

上水鄉事委員會主席侯志強說，最好是完善計劃，如果幾年後又再登記，會變成無了期。「你完咗五年又五年，五年又五年，係無盡架嘛。點解唔搵專業人士Check過佢間屋，如果合乎規格，咪用個補地價或者罰錢形式去做囉」「我地唔係話講錢就搞掂，唔係呢個意思。如果你剩係話拆咗佢，唔係剩係話拆新界，大家都知道，舉頭三呎，港九新界邊度冇僭建吖，如果你要拆，真係一百幾廿年都拆唔完。」



香港電台第一台FM92.6 - 94.4

星期一至五 17:00-20:00

主持：陸宇光、陳燕萍、梁家永、李家文、李文、楊立門、戴希立、林緻茵、何鉅業、潘永祥、林雲峯、李立峯、麥嘉晉、何建宗、蘇偉文

監製：陳燕萍

專題分類：新聞熱話

最新專題