【#星期六問責】羅健熙 鍾國斌
2021-04-17

立法會有關完善選舉制度的修訂條例草案日前在立法會首讀，立法會直選議席由原本35席減為20席，選區重新劃界。民主黨主席羅健熙表示，雖然民主派表現較好的個別區域被分開，但預料對民主派參選的影響分別不大，「制度既設計就係畀你哋一人一邊」。自由黨黨魁鍾國斌說，多做地區工作的政黨才有機會勝出，相信自由黨未來參與直選的機會好微。 
羅健熙又表示，在雙議席單票制下，競爭比以往少，政黨及議員向市民問責部分會比以前差，「對佢嚟講，個位(議席)易拎咗，佢對市民問責的力量會細咗，市民去搵啲議員問責係困難咗，議員會聽市民意見的空間會細咗。」

鍾國斌不認同，認為市民對成功當選的議員有期望，「期望入議會代他發聲，幫社會做事」，認為「如果你根據市民的意願去做事，提出一啲合理、正常既建議，點解無啦啦要你問責？除非話選你入去就係要搞嘢，你搞得唔夠，做得唔夠爆、唔夠火，要你問責。」他相信，未來議會不會再出現以往立法會的亂象。
另外，草案建議加入新罪行，任何人在選舉期間內藉公開活動，煽惑他人不投票、投白票或廢票，即屬非法，最高可判監3年。鍾國斌認為，相信政府是擔心選舉或出現預期不到的情況，預計當局訂立法例後，不會再有人鼓吹投白票， 但立例可能會出現反效果。
羅健熙就估計政府是純因為面子問題，擔心白票多，影響選舉認受性，但他說有關條文令市民強烈反感。

【星期六問責】

香港電台第一台FM92.6 - 94.4 

逢星期六08:00 - 09:00

主持：陳亮均、高福慧
編導：王磊、何立彥
​監製：蕭洛汶

專題分類：新聞熱話

最新專題