【#星期六問責】梁志祥 羅健熙
2021-05-15

立法會三讀通過有關公職人員宣誓的條例草案，規定區議員需要宣誓擁護《基本法》及效忠特區，條例將於今個月21日刊憲並生效。

多名議員早前關注，若律政司就違誓提出訴訟，相關議員便須即時停職，直至法庭有最終決定。民建聯立法會議員梁志祥表示，懲罰違反誓言的議員並解除其職務是合情合理，但認為議員需主動提出上訴才能獲暫緩執行「有啲唔係咁理想」，「如果你本身係好有錢嘅人，咁就唔大問題；或者你宜家係好窮嘅人，可以喺法律上同政府有持久嘅爭鬥，否則上訴是困難的」。他又指，雖然條例有機制加快法律程序，但「作為公職人員喺咁重要嘅事情，自己要檢點啲，唔好隨便發表令自己身陷險境嘅言論，否則可能被DQ就相當麻煩」，強調制度無問題。

民主黨主席羅健熙表示，相關規定「奇怪」及不符合「無罪推定」原則，又指立法會本來有機制處理褫奪議員資格，但現在「政府有佢嘅權力去停止你嘅職務，唔畀你去做，喺一個公信力咁低嘅情況下，呢個情況更嚴重」，令人失去信心，「本身已經無乜公信力嘅政府，本身已經唔係好得到人信任嘅律政司、仲得到咁大嘅權力，將人民選出嚟嘅代表停職，又一次將市民聲音擺喺政府之下」。

羅健熙又說，條文列出負面清單，部分條文語焉不詳，例如「作出損害香港整體利益的行為」、「尋求外國政府或組織干預特區事務」，容易用不同方法解讀，認為涉及犯法的條文應該寫得更清楚，目前條例存在疑惑，令人有對付民主派的觀感。

梁志祥表示，條例的正、負面清單詳述相關行為，公職人員更容易明白應該做及不做的行為，認為有關損害香港利益的行為清楚明白，例如過往在議會發生過阻礙開會，均是損害香港的利益。

 

【星期六問責】

香港電台第一台FM92.6 - 94.4 

逢星期六08:00 - 09:00

主持：陳亮均、高福慧
編導：王磊、何立彥
​監製：蕭洛汶

專題分類：新聞熱話

最新專題